HABARI

UJENZI WA KITUO CHA KUSHUGHULIKIA SAMAKI CHA LIWATONI KUKAMILISHWA MWEZI MACHI 2021

Ujenzi unaoendelea wa kituo cha kushughulikia samaki cha Liwatoni kaunti ya Mombasa kuwa bandari ya uvuvi ya kisasa utakamilishwa mwezi Machi mwaka ujao.
Haya ni kulingana na rais Uhuru Kenyatta ambaye amesema bandari hiyo itaimarisha uchumi wa raslimali za baharini huku akiongeza kuwa ujenzi huo ukikamilika meli zote za uvuvi zinazohudumu katika bahari ya Kenya hazitatakiwa kuwasilisha shehena zao katika bandari za Kenya.
Rais amehoji kwa meli ambazo zitakiuka agizo hilo zitapokonywa leseni zao na kama hatua ya kuongeza thamani samaki ameagiza hazina ya kitaifa kutoa fedha kwa ujenzi wa kiwanda cha kisasa cha kutayarisha samaki aina ya Chodari katika bandari hiyo ya Liwatoni.
Kufikia mwezi Juni mwaka mwaka 2021 wizara ya kilimo, mifugo na uvuvi imejitolea kutoa mafunzo kwa wavuvi 1000 wa Kenya ambao wataajiriwa na meli zinazohuduma katika bahari ya Kenya.

Mwakilishi wa wadi ya Kakuyuni kaunti ya Kilifi Nixon Mramba, amewataka viongozi wa kisiasa eneo hilo kuwahudumia wananchi kimaendeleo badala ya kujihusisha na siasa za mapema.
Kulingana na Mramba, huu sio muda mwafaka wa viongozi kuanza kujipigia debe kuhusiana na azma zao za kisiasa katika uchaguzi mkuu wa mwaka wa 2022.
Mwakilishi wadi huyo, amesema kuwa kwa sasa wakaazi wameathirika kiuchumi, hivyo basi kuna haja ya hali hiyo kuangaziwa zaidi kupitia miradi ya maendeleo.
Wakati uo huo, mwanasiasa huyo amemkosoa mbunge wa Malindi Aisha Jumwa kwa madai kuwa anawahadaa wakaazi wa eneo hilo kwamba anaelewa changamoto wanazozipitia
Mramba amedai kuwa wakaazi wa Kakuyuni hawana cha kujivunia kutoka kwa mbunge wao licha ya ushirikiano wake na naibu rais William Ruto.

MIKAKATI MAALUM YAIDHINISHWA KUKABILIANA NA VIJANA WANAOJIUNGA NA MAKUNDI YENYE ITIKADI KALI

Maafisa wa polisi kaunti ya Mombasa wameidhinisha mikakati kabambe ili kuona kwamba inadhibiti matukio ya vijana kujiunga na makundi yenye itikadi kali.
Kulingana na kamishna wa kaunti ya Mombasa Gilbert Kitiyo idadi ya vijana wanaojihusisha na makundi ya itikadi kali imepungua kutokana na jitihada za polisi kukabiliana na baadhi ya makundi hayo katika kaunti hiyo.
Kitiyo amesema kuwa idara ya usalama kwa ushirikiano na mashirika ya kijamii imeweza kuwatafutia baadhi ya vijana nafasi za ajira ili kuona kwamba hawajihusishi na uhalifu unaosababisha utovu wa usalama.
Kwa upande wa afisi ya mashtaka ya umma DDP kanda ya pwani imesema kuwa jitihada za kukabiliana na kesi zinazohusu maswala ya misimamo mikali zinahujumiwa kutokana na swala la kuwa wengi wa mashahidi huogopa kujitokeza katika kesi hizo.

SUBSCRIBE TO OUR E- NEWSLETTER

Subscribe to our mailing list and get interesting stuff and updates to your email inbox.